Nënkryetari i LSI, Petrit Vasili, ka reaguar mbrëmjen e sotme lidhur me një lajm që i referohej burimeve jo-zyrtare, sipas të cilit, Ilir Meta do të largohet më 26 prill nga Presidenca për poste në qeveri, Kryeministër ose zv.Kryeministër dhe ministër i Brendshëm.
Në emisionin e gazetarit Çim Peka në SYRI TV, Vasili tha se nuk ka komunikuar me Presidentin Meta.
“Nuk kam asnjë mundësi të kem komunikim të tillë me zotin Meta. Institucioni i Presidencës nuk do të pushtohet kurrë nga mafia e Rilindjes”, theksoi më tej Vasili.
Sipas tij, të gjithë duhet të jenë ballë për ballë me mafian e Rilindjes. Sipas tij, raportet PD-LSI janë më solide se kurrë.
