Ronald Koeman do të kërkojë të lërë gjurmët e tij në ekipin e Barcelonës pas emërimit të tij si trajner i skuadrës.
Në parim, stili i lojës së Blaugranasve, bazuar në zotërimin e topit, do të mbetet i njëjtë, por Koeman do të sjellë një version më të drejtpërdrejtë dhe më energjik që as Ernesto Valverde dhe as Quique Setien nuk ishin në gjendje të prodhonin.
Ajo që së pari duhet të kuptojmë është se hollandezi nuk është tipi i trajnerit që i përmbahet vetëm një sistemi.
Gjatë periudhës së tij të shkurtër si trajner I Holandës , Koeman preferoi një formacion 4-3-3, me dy mesfushorë me tipare mbrojtëse dhe një më të përparuar.
Pikërisht ky tip formacioni i lejoi Frenkie de Jong që të shkëlqente për Ajax dhe gjithashtu ai vazhdoi të linte përshtypje të mira dhe për ekipin përfaqësues nën drejtimin e Koeman.
Koeman pëlqen të ketë lëvizje dhe dinamizëm në mesfushën e tij, edhe pse ai shpesh luan një mesfushor pozicionues gjithashtu.
Kjo është ajo ku nënshkrimi i ri, Miralem Pjanic, mund të jetë veçanërisht i dobishëm për pasardhësin e Setien.
Për sa i përket mesfushorit më të avancuar, Georginio Ëijnaldum ishte një element kryesor në atë pozitë në Hollandën e Koeman .
Prandaj, nuk është për t’u habitur që shefi i Barcelonës është i interesuar të nënshkruajë bashkëatdhetarin e tij nga Liverpool këtë verë.
Nëse Wijnaldum nuk arrihet, një ish-lojtar i Liverpool mund të luante në atë pozitë, pikërisht Philippe Coutinho .
Opsione të tjera përfshijnë Pjanic që luan më i avancuar, ndërsa për pasojë Messin mund ta shohim më afër portës.
Në krahë , Koeman pëlqen që anësorët e tij të jenë të drejtpërdrejtë dhe gjithmonë të jenë një kërcënim për portën e kundërshtarit. Ansu Fati i përshtatet këtij profili mbase më mirë se kushdo tjetër në Camp Nou, ndërsa Ousmane Dembele gjithashtu mund të përfitojë në sistemin e ri.
Ndërkohë në repartin e sulmit nëse Lautaro Martinez nuk arrin të vishet blaugran, Antoine Griezmann mund të jetë njeriu që të udhëheqë sulmin.
“Me gjithë respektin, ai nuk është një anësor,” tha Koeman për francezin.
Nëse Griezmann starton së bashku me Messin , sistemi mund të ndryshojë në një formacion 4-2-3-1, me argjentinasin që luan pas ish-sulmuesit të Atletico Madrid.
Nga ana taktike, Koeman pëlqen që ekipet e tij të bëjnë presion – diçka që zakonisht nuk shihet nga një ekip tradicional i Barcelonës.
Holandezi nuk ka tendencë të bëjë presion lart në fushë, por, në të njëjtën kohë, ai nuk pret që kundërshtari të vijë në ekipin e tij. Plani i lojës së Koeman bazohet rreth ushtrimit të presionit mbi topin në mesfushë, duke fituar zotërimin e topit dhe duke e luajtur atë menjëherë drejt sulmuesve.
