Presidenti Ilir Meta do të largohet nga posti më i lartë i shtetit më 26 prill. Lajmi është dhënë nga Ora news, sipas të cilës, Meta do të lerë Presidencën për të marrë postin e Kryeministrit dhe ministrit të Brendshëm, ose të zv kryeministrit dhe ministrit të Brendshëm.
Televizioni, i cili ndodhet nën sekuestro pas vendimeve të Gjykatës Speciale, i referohet burimeve jo zyrtare. Nuk dihet ende nëse lajmi ka ndonjë bazë vërtetësie.
Ndërkohë, Kreu i Shtetit zyrtarisht ka deklaruar se do të largohet nga Presidenca në vitin 2022, atëherë kur i përfundon edhe mandati Presidencial.
Pak kohë më parë, Presidenti u përball edhe me një Komision Hetimor parlamentar, i cili u ngrit për të shkarkuar Kreun e Shtetit, por në fund rezultoi një fluskë sapuni.
