Taulant Balla, Kreu i Grupit Parlamentar socialist, ka pohuar sot skemën me të cilën do të zgjidhen ministrat e rij, por edhe kandidatët e PS për deputet për zgjedhjet e 25 prillit 2021.
Balla ka deklaruar se në tre muajt e fundit të vitit 2020 do të nisë një komunikim virtual me qytetarët për të marrë vlerësimet për ministrat dhe kryeministrin.
Sipas tij, në bazë të këtyre vlerësimeve do të krijohet skuadra, e cila do të fitojë mandatin e tretë.
“PS nuk ka koalicion as me Nardin as me Vangjelin dhe as me Dash Shehin por vetëm me të rinjtë. FRESSH do të jetë një urë lidhëse me të rinjtë.
Në muajt tetor, nëntor dhjetor do bëjmë një komunikim virtual anëtarësinë e partinë në njërin krah dhe qytetarët në anën tjetër për të marrë vlerësimet për performancën e deputetëve, ministrit dhe kryeministrit dhe në këtë mënyrë pastaj do të fillojmë të hartojmë kombëtaren e PS në zgjedhjet e 25 prillit që do të fitojë jo vetëm në Tropojë por në të gjithë Shqipërinë për mandatin e tretë me Edi Ramën kryemnistër”, tha Balla.
