Kryeministri Edi Rama nuk ka nguruar të ironizojë dhe sulmojë Presidentin Ilir Meta, i cili i ka drejtuar një pyetje Kreut të Qeverisë, gjatë emisionit “Open”.
Meta e pyeti Ramën nëse kishte folur në telefon me ministrin e Jashtëm grek për çështjen e detit, zgjerimin me 12 milje të kufirit detar.
Në përgjigjen e tij, Rama tha se nuk i jepte llogari Presidentit se me kë flet në telefon.
“Një president që bën një pyetje të tillë do peshk. Do peshk. Nuk bëhet transparencë kur nuk ka marrëveshje. Nuk ka punë presidenti se me kë flas unë, nuk i jap llogari presidentit”, u shpreh Rama.
Rama mohoi të ketë një marrëveshje me Greqinë, madje theksoi se negociatat kanë stopuar për shkak se nuk është gjetur dakordësi për delegjitmimin e ujërave territoriale.
