Ambasadorja e ShBA, Yuri Kim ka mbështetur deklaratën e kryetarit të parlamentit Gramoz Ruçi për ngritjen e Gjykatës Kushtetuese. Në një reagim në Twitter, Kim shkroi: “Ne biem dakord. Gjykata Kushtetuese duhet të ngrihet deri në fund të vitit.”
Në hapjen e sesionit të ri parlamentar, kryetari i Kuvendit mbajti fjalën hyrëse duke thënë se duhet të nisë puna e Gjykatës Kushtetuese nga 1 janari.
“Po derdhet kupa për vonesat e KED. Nuk duhen toleruar më. Nuk duhet të falim asnjë vonesë. Në 1 janar 2021, Gjykata Kushtetuese duhet të fillojë nga puna”, tha Ruçi.