Një zhvillim i papritur ka ndodhur te skuadra e Teutës në prag të nisjes së sezonit të ri futbollistik. Klubi bregdetar dhe Arbër Çyrbja kanë prishur me marrëveshje bashkëpunimin.
Lajmin e divorcit e ka njoftuar vetë klubi durrsak, që njofton se ndarja ka ardhur me miratimin e të dy palëve.
Njoftimi i Teutës
“Arbër Cyrbja nuk është më pjesë e bluve, pasi me marrëveshje të dyanshme ndërpritet bashkëpunimi. KF Teuta komunikon ndërprerjen e bashkëpunimit me lojtarin. KF Teuta dhe futbollisti me marrëveshje të dyanshme kanë vendosur se ndarja në këtë moment është në interes të të dy palëve. KF Teuta me këtë rast falënderon Arber Çyrbjen për kontributin e dhënë në periudhën që ishte pjesë e bluve, duke i uruar gjithë të mirat në të ardhmen.”
