Ambasadorja amerikane në Tiranë, Yuri Kim, ka ripërsëritur mbështetjen e SHBA për reformën në drejtësi, ndërsa ka theksuar se sundimi i ligjit është gjithashtu thelbësor për investimet e huaja.
Në një postim në Twitter, pas takimeve me Kreun e SPAK, Arben Kraja, dhe drejtuesen e BKH, Aida Hajnaj, Kim shkruan se reforma në drejtësi nuk do të jetë e shpejtë ose e lehtë, por po ecën përpara hap pas hapi dhe duhet të vazhdojë në mënyrë që njerëzit të kenë drejtësi.
