Elisa Spiropali, drejtuesja politike e PS për qarkun e Tiranës, ka nisur të provokojë demokratët, disa muaj para zgjedhjeve parlamentare.
Në një nga bastionet e PD sikundër është Bashkia e Kamzës, Spiropali thotë se Lulzim Basha dhe demokratët duhet të harrojnë fitoren në këtë bashki në zgjedhjet e ardhshme.
“Kamëz, puna me ritme të shtuara për ngritjen nga themelet të kopshteve dhe shkollave që tërmeti i 26 nëntorit nuk i kurseu, janë detyrimi që kemi ndaj fëmijëve, nxënësve e prindërve.
Përgjigje sakaq edhe për ata që #nukbesuan dhe veç baltës nuk vendosën asnjë tull. Lulzim, harroje Kamzën!
Programi i Rindërtimit do të konkretizohet me ndërtimin e 22 objekteve arsimore në Kamëz. Siguria dhe kushtet bashkëkohore janë standardi i punës tonë”, shkruan Spiropali.
