Kombëtarja shqiptare ka pësuar një humbje të turpshme në ‘Air Albania Stadium’ përballë modestëve të Lituanisë me shifrat 1-0.
Të besuarit e Edi rejas zhgënjyen duke nizur nga porta e deri në sulm, ku asnjëri prej tyre nuk ishte në formën më të mirë.
Në pjesën e parë treshja sulmuese Trashi-Manaj-Sadiku, ishin në ‘mjegull’ dhe nuk e panë në asnjë moment portën kundërshtare, ku dhe në ato raste që ju vinin më shumë dukeshin në rolin e mbrojtësit kundërshtar se në rolin e sulmuesit.
Ndërkohë me nisjen e pjesë së dytë të takimit ‘gladiatori’ Klaus Gjasula i fal një top kundërshtarit, i cili pasi kaloi dhe Strakoshën kaloi Lituaninë në avantazh, rezultat i cili nuk ndryshoi deri në fund të ndeshjes.
Pavarësisht zëvendësimeve dhe futjes në fushën e lojës të Uzunit, Roshit (I pafat) i cili u zëvendësua nga Broja, kombëtarja shqiptare nuk arriti në asnjë moment nivelin që ne jemi mësuar të shohim gjatë ditëve të fundit.
Por ‘qershia mbi tortë’ këtë herë në sensin negativ erdhi nga kapiteni Elsedi Hysaj i cili u duk gjatë gjithë takimit sikur kërkote të ndëshkohej me karton të kuq, ‘ëndërr’ e cila ju bë realitet në minutën e 87-të të takimit.
Edhe pse kombëtarja shqiptare kishte lojtarë cilësorë si Uzunu, Cikalleshi, Bare, Broja, trajneri Edi Reja mendoi që të luante përballë Ltuanisë me futbollistët që kishin më pak minuta në këmbët e tyre, ku dhe në ekipet që miliotojnë janë rezerva të dyta ose të treta.
Ajo që mund të themi për sfidën e sotme ëhstë se trajneri italian Reja u tregua tamam si një trajner ‘Playstation’, i cili nuk njeh skema apo module të tjera loje, përveç atij fillestarit që hedh në fushë.
Sa i përket lojtërave të kombëtares, vetëm ‘Oh sa mirë me qenë shqiptar’ nuk na bënë të ndihemi gjatë sfidës me Lituaninë.
