Pronari i një prej tavernave më të vjetra të peshkut, në Mykonos, që ka funksionuar që nga viti 1976, Nikos Skepathianos, ra viktimë e një sulmi të egër grabitjeje.
Sulmi raportohet të ketë ndodhur të dielën në mëngjes, brenda shtëpisë së tij.
Kriminelët hynë në shtëpinë e tij me qëllimin për ta grabitur. Biznesmeni mori goditje të shumta në kokë dhe fytyrë me grushte, ndërsa sipas dëshmive të të tij në polici, autorët kishin në dorë sende të forta dhe një pistoletë, – raportoi mediat helene.
Sipas informacioneve, plani i autorëve të krimit (që dyshohet se është një bandë e të huajve me origjinë shqiptare) ishte i organizuar mirë.
Ata e dinin që biznesmeni po largohej nga taverna ditët e fundit rreth mesnatës, së bashku me gruan e tij. Madje kishin llogaritur kohën që i duhej për të arritur në shtëpinë e tij.
Autorët e dinin për ekzistencën e kasafortës, pasi kishin informacion se pronari i tavernës mbart me vete të ardhurat e ditës, të cilat nuk janë të papërfillshme, pasi taverna e peshkut e Nikos Skepathianos, është një nga më të vjetrat dhe të frekuentuarat në ishull.
Duke parë nga dritarja, vajza e biznesmenit dyshohet se pa babanë e saj duke u sulmuar nga shqiptarët, të cilët, ndërsa tashmë kishin marrë 10 000-12 000 euro në duar, po e shtynin biznesmenin në çdo mënyrë për t’u dhënë atyre më shumë para.
Përfundimisht, nga zërat e vajzës së biznesmenit, e cila thirri policinë, katër autorët u larguan. Babai i saj u plagos në fytyrë dhe në kokë. Gjendja e tij nuk raportohet të jetë shqetësuese.
Policia ende nuk ka identifikuar autorët, që besohet se ishin 4 shqiptarë.
