Shqiptari tentoi të hidhej nga pallati në Selanik, reagon konsullata: Po ndjekim situatën

Konsullata e Përgjithshme shqiptare në Selanik ka reaguar pas ngjarjes në këtë qytet, ku një emigrant shqiptar ka tentuar të hidhet nga kati i 12-të i një pallati.

Konsullata e Përgjithshme ka takuar vetë emigrantin, i cili aktualisht ndodhet në Rajonin e Policisë së qytetit.

Po ashtu, ata kanë takuar edhe vajzën e emigrantit dhe po ndjekin situatën për të gjetur një zgjidhje për shqiptarin.

“Konsullata e Përgjithshme e Republikës së Shqipërisë në Selanik sapo mori dijeni për ngjarjen e ndodhur gjatë pasdites së sotme të një shtetasi shqiptar me banim në Lagkada, i cili ka tentuar t’i japë fund jetës së tij për motive personale, është vënë në kontakt menjëherë me drejtuesit e Rajonit Qendror të Policisë në Selanik si dhe është takuar tanimë edhe me vetë shtetasin, i cili ndodhet aktualisht në këtë rajon.

LEXO EDHE  Berisha: Basha nuk fiton kurrë, nuk njeh nocionin e dorëheqjes

Konsullata është lidhur menjëherë edhe me familjarët e shtetasit dhe aktualisht, Konsulli i Përgjithshëm i Shqipërisë në Selanik është në takim me vajzën e shtetasit duke ndjekur situatën në vijimësi për të gjetur mundësinë e zgjidhjes sa më parë, në ndihmë të shtetasit shqiptar”, shkruan konsullata në reagimin zyrtar.