Amir Rrahmani ka dalë në konferencë për shtyp përpara ndeshjes ndaj Greqisë. Mbrojtësi i Napolit theksoi se dardanët në krahasim me ndeshjen ndaj Moldavisë duhet të jenë më të saktë në përmbylljen e aksioneve.
“Nëse synon të gjesh situata negative gjithmonë mund të gjesh. Besoj se ndaj Moldavisë kemi zhvilluar një ndeshje të mirë, kemi pasur kontrollin e topit. Duhet të përmirësojmë finalizimin e aksioneve. Nuk e nënvlerësuam Moldavinë, e kemi ditur që zhvillon një lojë të mbyllur.”
Mungesat: Na mungojnë shumë futbollistë, çdo mungesë është e ndjeshme. Futbollistët që do t’i zëvendësojnë shpresoj ta kryejnë si duhet punën.
Njohuritë për Greqinë: Sot kemi parë disa video të kundërshtarit dhe normalisht mendoj se e kemi përgatitur mirë ndeshjen. Siç e thashë më parë, lojtarët që do të luajnë do të japin maksimumin.
