Ndërkohë që Ministria e Shëndetësisë ende nuk ka raportuar shifrat zyrtare mbi numrin e pacientëve që janë infektuar me Covid-19 në 24 orët e fundit, mësohet se në Elbasan janë konfirmuar 9 raste të reja.
Nga raportimet mësohet se të gjithë të infektuarit janë kontakte të rasteve të mëparshme, pra nuk ka vatra të reja.
Mësohet se zbulimi i rasteve është rezultat i hetimit epidemiologjik të kryer.
Elbasani ka të regjistruar 154 raste aktive deri pasditen e së shtunës.
Më herët ministrja e Shëndetësisë raportoi se 130 pacientë ishin shëruar nga koronavirusi. Prej disa ditësh shifra e personave të shëruar, por edhe rastet e reja janë në nivele të larta, ndërkohë që ka pasur një bilanc negativ përsa i takon numrit të jetëve të humbura.
