E ardhmja e Lionel Messit është te Barcelona të paktën edhe për një sezon. Për të mos çuar gjithçka në një përplasje gjyqësore me Barcelonën, 33-vjeçari është detyruar të bëjë një sqarim dhe e ka bërë në intervistën e parë ekskluzive për “Goal.Com”, që ka marrë vëmendjen e të gjithë opinionit publik.
Në këtë mënyrë marrin fund të gjitha dilemat që e shikonin sulmuesin larg katalanasve, teksa në gjurmët e tij ishin vendosur disa ekipe.
“Kur i komunikova dëshirën time për t’u larguar gruas dhe fëmijëve të mi, ishte një dramë e madhe. E gjithë familja filloi të qante, fëmijët e mi nuk donin të largoheshin nga Barcelona, as nuk donin të ndryshonin shkollën”, pohoi Messi.
“Do të vazhdoj te Barcelona dhe sjellja ime nuk do të ndryshojë, pavarësisht se sa shumë dua largimin. U thashë krerëve dhe presidentit se dua largimin. I kam thënë gjatë gjithë vitit.
Mendova se koha ime te Barcelona mbaroi. Unë gjithmonë doja ta mbyllja karrierën këtu”, shtoi argjentinasi.
“Ishte vit i vështirë, unë vuajta shumë në stërvitje, në ndeshje, në dhomat e zhveshjes. Presidenti gjithmonë thoshte se në fund të sezonit mund të vendosi nëse dua të largohem ose nëse dua të qëndroj dhe në fund ai nuk mbajti fjalën”, deklaroi Messi.
Intervista e plotë për “Goal”:
