Erjon Veliaj, kryebashkiak i Tiranës, ka publikuar në rrjet një foto me pamje nga Tirana. Deri këtu nuk ka asgjë të keqe, por Lali nuk i pëlqen siç duket një pamje reale.
Ndoshta i mësuar se gjithçka duhet të kurohet për sytë e publikut, edhe në rastin konkret stafi i tij ka përdorur photoshop, madje aq shumë sa ka ndryshuar edhe lindjen e diellit.
E nëse deri tani dielli në Tiranë lind nga ana e Dajtit, sipas Lalit ai lind në malësitë e Krujës. Ndoshta i pëlqen të ketë një fuqi të tillë për të ndryshuar edhe lindjen apo kahjen e rrotullimit.
Ndaj mos u habisni kur shikoni fotot e postuara nga Lali, vetëm mos i merrni seriozisht.
Kohë më parë ishte Vangjush Dako që e cilësonte veten një “superman”, ndërsa Veliaj duket se i pëlqen të ketë fuqinë e Zeusit dhe për këtë e ndihmon stafi dhe photoshop.
