Eksperti amerikan për çështje të Ballkanit, Daniel Serwer ka lëshuar një paralajmërim për presidentin e Serbisë, Aleksandar Vuçiç.
Serbia do të jetë në pozitë të vështirë nëse nuk e njeh Kosovën, ka deklaruar ai.
“Nëse nuk e njeh Kosovën, kjo do ta vendosë Serbinë në pozitë të vështirë. Do të ballafaqohet me problemin e vazhdueshëm që anon nga ana nacionaliste dhe kjo mund të jetë një pengesë për anëtarësimin në BE”, tha Serwer në një intervistë për për Al Jazeera Balkans.
Ai shton se: “Vuçiç mund të kërkonte diçka nga BE-ja në këmbim, mbase ai do të kërkonte para nga SHBA, ose ndoshta hyrje më të shpejtë në BE”.
Serëer thotë se shkëmbimi i territorit, i mbrojtur nga ish-këshilltari i ngushtë i Trump, John Bolton, nuk është një ide e mirë.
“Shkëmbimi i territoreve do të çonte në spastrim etnik, jo vetëm në Serbi dhe Kosovë, por gjithashtu në Bosnjë dhe Maqedoni, dhe kjo mund të ndikojë në Moldavi, Gjeorgji, Ukrainë. Pse do ta bënim atë?”, u shpreh Serwer.
