Në spitalin “Shefqet Ndroqi” në Sanatorium janë vetëhedhur dy persona duke gjetur vdekjen. Këto ngjarje tragjike ka sjellë reagime të institucioneve, familjarëve si edhe mjekëve.
Ndër to është edhe mjeku urolog Artan Koni, i cili në një shkrim në rrjetin social “Facebook” thekson se këto çështje duhen trajtuar me seriozitet maksimal, ndërsa shkruan: “Duhet me parë të sigurohemi që pacientet nuk marrin ndonjë mjekim i cili mund t’i ç’rregullojë përkohësisht psikologjinë”.
Ndonëse është bërë me dije se viktimat kanë qenë në gjendje të rënduar të shëndetit mendor, Koni thotë se që të arrihet në këtë përfundim, duhet të bëhet transparente mënyra se si po mjekohen pacientët me COVID-19.
“Nuk dua të besoj se pacientet marrin ilaçe të cilët mund t’i ç’rregullojnë psikologjinë…Uroj që mos të marrin ilaçe të tilla. Gjithsesi transparenca shuan çdo hije dyshimi për skema mjekimi të gabuara”, shkruan ai.
Reagimi i plotë:
Per te thene: “Vetevrasjet ne spitalet COVID ndodhin nga gjendja e renduar psikologjike”, duhet me pare te sigurohemi qe pacientet nuk marrin ndonje mjekim i cili mund t’i c’rregulloje perkohesisht psikologjine.
As Infektivi e as Shefqet Ndroqi nuk kanë bërë ende publik protokollet e trajtimit.
Instituti i Shëndetit Publik i kërkon shefave të shërbimeve të jenë transparentë me skemat e mjekimit që përdorin.
Duhet të dimë se si po mjekohen keta paciente. Shqipëria nuk ka ende protokolle zyrtare të mjekimit për COVID, nderkohe qe shume shtete kane protokollet e tyre kombëtare.
Nuk dua te besoj se pacientet marrin ilace te cilet mund t’i c’rregullojne psikologjine…uroj qe mos te marrin ilace te tilla…gjithsesi transparenca shuan cdo hije dyshimi per skema mjekimi te gabuara.
Ministria e shendetesise duhet te kontrolloje se c’po ndodh brenda dyerve te mbyllura te ketyre spitaleve.
Nuk eshte normale qe anetaret e komitetit teknik per COVID-in nuk kane dijeni se me cfare medikamentesh mjekohen pacientet.
Po kuptojme qe spitalet COVID nuk ia jepkan kete informacion komitetit teknik.
Po ministrise ia japin?…apo ia japin personalisht vetem Rames?
I duhet dhene urgjentisht pergjigje ketyre pyetjeve:
1- si i kane emrat ilacet?
2- me cfare doze jepen?
3- perse mjekimi te Infektivi eshte i ndryshem nga ai te Shefqet Ndroqi?
Kush i jep te drejten morale drejtuesve te Infektivit apo Shefqet Ndroqit ta mbajne te censuruar nje informacion te tille??
