Kreu demokrat Lulzim Basha shprehet se Qeveria Rama ka dështuar, ndërsa kriza është shtrirë në çdo hallkë të ekonomisë.
Referuar raportit të fundit të EuCham që e rendit Shqipërinë ndër tre vendet e fundit në Europë për të bërë biznes, Basha thekson se me Ramën Kryeministër, Shqipëria u bë ndër vendet më të korruptuara, me taksat më të larta në rajon,më pak tërheqëse për investime.
“Vendit sot i duhet një model i ri ekonomik, me taksa të ulëta,mbështetje për sipërmarrjen, stimulim për investimet dhe bizneset që hapin vende pune.
Me planin tonë ne do të kemi taksën e sheshtë 9%,do të luftojmë konkurencën e pandershme dhe korrupsionin, do ti japim frymëmarrje ekonomisë për të sjellë investime, mundësi punësimi me të ardhura dinjitoze dhe jetë më të mirë për të gjithë shqiptarët”, shkruan Basha.
