Erando Karabeci ka firmosur me klubin e Teutës. Lajmin e ka konfirmuar ekipi durrsak me anë të një komunikate në rrjetet sociale.
“KF Teuta me kënaqësi komunikon arritjen e marrëveshjes me mesfushor Erando Karabeci.”
30-vjeçari ka kaluar me sukses vizitat mjekësore dhe ka firmosur për Teutën. Në Durrës, Karabeci vjen nga Tirana, ku luante prej disa sezonesh në Superligë”. –shkruhet në njoftimin e Teutës.
Kështu Teuta plotëson mesfushën, pasi kishte afruar më parë Asion Dajën, ndërkohë që nga titullarët e vjetshëm Albano Aleksi dhe Florent Avdyli janë ende pjesë e skuadrës.
Erando Karabeci, kaloi plot 10 vite në radhët e Tiranës teksa ishte edhe kapiteni i bardhebluve.
