Vazhdon të jetë kaotike situate në ambasadën shqiptare në Athinë, ku prej orësh emigrantët mbajnë radhë të gjata, ku mungon distancimi social.
Pamjet e fundit shqetësuese janë siguruar nga gazetari Shpëtim Zinxhiria i cili i ka publikuar në rrjete sociale.
Në këto pamje tregohet momenti kur njerëzit nuk respektojnë rregullat e Covidit dhe kanë krijuar radhë të gjata për rinovimin e pasaportës.
“Sot pamje te tjera nga e famshmja ambasada atje ku ferrit nuk i shpëton njeri. Shikojnë sasinë dhe lënë pasdore cilësinë, distancën sociale apo vendosjen e maskave. Po nuk u larguan dipllomatet dhe zevendësimi tyre me njerëz te përgjegjshëm këto avaze do te kemi o zoti Agron Tare.
Nga 7 muaj qe pret emigranti per te rivonuar pasaporten ju thoni do ta coni afatin ne 15 ditë Zoti ju ndigjoftë dhe ju bekoftë në zgjidhjen e ketij problemi disa vjeçar që ende po torturon emigrantet”, shkruan Zinxhiria në rrjetin social.
