Një 33-vjeçar është vënë në Pranga nga policia e Korçës, pasi akuzohet për 17 vjedhje.
E.B., banues në Korçë (i dënuar më parë për vjedhje), ka qenë nën ndjekjen dhe monitorimin e Policisë kur u kap në flagrancë në lagjen nr. 1, duke vjedhur në banesën e shtetasit V.T.
Policia njoftoi se, nga veprimet e mëtejshme hetimore të kryera, kqyrja e pamjeve filmike dhe provave të grumbulluara, u dokumentuan edhe 16 vjedhje të tjera, ngjarje të ndodhura tre muajt e fundit në Korçë, ku janë vjedhur piktura me vlerë, sasi lekësh, orendi e pajisje shtëpiake, autor i të cilave dyshohet të jetë shtetasi E. B., konkretisht:
- – Në lagjen nr. 3, është vjedhur banesa e shtetases V. M.
- – Në lagjen nr. 10, është vjedhur banesa e shtetasit J. Ç.
- – Në lagjen nr. 12, janë tentuar të vidhen 4 banesa; është vjedhur banesa e shtetasit M. K., dhe dyqani i shtetasit K. B.
- – Në lagjen nr. 17, është vjedhur lokali i shtetasit A. Xh.
- – Në lagjen nr. 18, është vjedhur lokali i shtetasit Sh. G., banesa e shtetasve L. G; Ll. P; dhe A. Ç; është tentuar të vidhet banesa e shtetasit Dh. G; dhe është vjedhur dyqani i shtetasit I. C.
- – Në lagjen nr. 1, është tentuar të vidhet një objekt kulti.
Ai akuzohet për veprën pedale “Vjedhja, e kryer më shumë se një herë”.
