Italia ka shënuar një tjetër rritje ditore të të infektuarve me COVID, ndërsa ka patur një rënie të numrit të vdekjeve.
Sipas të dhënave nga Ministria e Shëndetësisë Italiane, gjatë 24 orëve të fundit në vend janë regjistruar 5 viktima nga koronavirusi (dje ishin 13), për një total prej 35 463 që nga fillimi i emergjencës shëndetësore.
Autoritetet e shëndetësisë raportuan gjithashtu se sot u regjistruan edhe 1411 raste të reja pozitive (dje ishin 1367), për një total prej 263.949 të prekurish nga Covid.
Në vend sot pati edhe 225 pacientë të shëruar,(dje ishin 314) për një total prej 206.554, teksa në repartet e terapisë intensive ndodhen 67 pacientë.
Fondacioni Gimbe ka raportuar sot se në një javë në Itali, rastet e reja të infeksionit Covid pothuajse janë dyfishuar. Nga të dhënat del se ato janë rritur me 92.4% në vetëm 7 ditë.
