Ministria e Arsimit njoftoi pak ditë më parë se viti i ri shkollor do të nisë në 14 shtator, ndërsa publikoi edhe ‘Udhëzuesin’ për mbrojtje nga Covid, i cili ka shumë mangësi dhe jep shumë pak sqarime.
Pikëtisht lidhur me këtë problematikë ka reaguar edhe ish-deputetja e PD, Albana Vokshi. Me anë të një statusi në facebook, Vokshi kërkon nga Ministria e Arsimit që të sqarojë qytetarët shqiptarë, se çfarë do të ndodhë me fëmijët, prindërit e të cilëve kanë rezultuar pozitivë me Covid 19 dy javë para filimit të viti shkollor?
Gjithashu Vokshi pyet se: Çfarë do të bëhet me fëmijët që kanë pasur kontakte me persona që kanë rezultuar pozitivë dy javët e fundit para fillimit të vitit shkollor??
A ka një listë të tillë? Do bëhet? Do gjurmohen kontaktet? Do pranohen këta fëmijë në shkollë?
Postimi i plotë i Vokshit:
Një Udhëzim i Ministrisë së Arsimit për fillimin e vitit të ri shkollor, i cili NUK trajton cështen më të rëndësishme:
– Cfarë do bëhet me fëmijët prindërit e të cilëve kanë rezultuar pozitive dy javët e fundit para fillimit të shkollës??
– Cfarë do të bëhet me fëmijët që kanë pasur kontakte me persona që kanë rezultuar pozitivë dy javët e fundit para fillimit të vitit shkollor??
A ka një listë të tillë? Do bëhet? Do gjurmohen kontaktet? Do pranohen këta fëmijë në shkollë?
Cdo prind ka të drejtën të dijë nëse fëmijët e tjerë në një klasë me fëmijët e tyre, kanë pasur kontakte me persona pozitivë, sepse jam e bindur qe asnjë prind nuk do donte ta conte fëmijën në një klasë ku rrezikohet të marrë virusin e të rrezikojë shëndetin e tij e të gjithë familjarëve.
