Barcelona shkarkoi ditën e djeshme trajnerin, Quique Setien, ndërsa zëvendësuesi i tij pritet të jetë Ronald Koeman.
Tekniku holandez është në krye të listës së drejtuesve të ekipit blaugran. Edhe, Koeman e dëshiron marrjen e drejtimit të Barcelonës, por për të pengesë është kontrata me kombëtaren e Holandës.
Koeman, fjalët e të cilit priteshin, theu sot heshtjen nga selia e federatës Holandeze ku po negocion me drejtuesit e saj për prishjen e kontratës në mënyrë që të bashkohet me Barçën.
“Po, unë do të doja (trajneri Barçës), kjo është e qartë, por do të jetë përfundimtar kur të nënshkruhet marrëveshja në letër. Deri atëherë, nuk mund të them asgjë tjetër. Edhe sikur të doja”, përfundoi Koemann.
