Duke filluar nga ora 21:00, Interi dhe Shakhtar Donetsk zhvillojnë ndeshjen gjysmëfinale të kompeticionit të dytë më të rëndësishëm në Evropë.
Italianët duken favorit në letër, mirëpo ky edicion ka dhuruar shumë befasi, sidomos me sistemin e ri me nga një ndeshje. Interi kërkon finalen e pestë në histori pasi tri herë e ka fituar dhe një herë ka humbur në finale derisa Shakhtar kërkon finalen e dytë pasi që në një rast ka dalë fitues.
Të dy ekipet paraqiten në këtë takim pas një forme shumë të mirë. Kështu ekipi i drejtuar nga trajneri portugez, Luis Castro, numëron plot 11 ndeshje pa humbje. Praktikisht, që pas rikthimit të futbollit, pas izolimit për shkak të pandemisë së coronavirusit, klubi nga Donjetsku i ka fituar që të gjitha takimet, me përjashtim të dy ndeshjeve në kampionatin vendas ndaj ekipeve të tilla si Zorya Luhansk dhe Oleksandriya, sidoqoftë, rezultate që nuk është se bënë dëm, duke pasur parasysh që vlejnë për sezonin e kaluar, pasi edicioni i ri i kampionatit ukrainas starton pikërisht fundjavën e ardhshme.
Fituesi në këtë ndeshje do të përballet në finale me Sevillan me skuadrën spanjolle që eliminoi mbrëmjen e djeshme, Man.United me rezultatin 2-1.
DENONCO