Thiago Alcantara do të largohet nga skuadra e Bayern Munchen dhe pritet të kalojë te skuadra e Liverpool në Premier League.
“Talk Sport” shkruan se spanjolli u ka thënë shokëve të ekipit se do të largohet pas Champions Leagues.
“Redsat” janë futur në aksion dhe kanë nisur kontaktet prej ditësh me klubin gjerman për të siguruar shërbimet e lojtarit.
Alcantara do të largohet, ndërsa drejtuesit e Bayernit nuk do ta pengojnë. Gjermanët nuk duan ta humbasin me parametra zero në sezonin e ri, prandaj janë gati ta shesin me çmimin e duhur.
Largimin e spanjollit e kishte paralajmëruar edhe Rummenigge i cili pati deklaruar se lojtari nuk dëshiron të rinovojë me klubin kampion të Bundesligës.
