Një qytetar është përpjekur që të përfitojë nga situata e krijuar në pikën kufitare të Kakavijës për të transportuar drogë.
Gjatë kontrollit të zhvilluar në automjetin tip “Benz”, në kthesën e fshatit Jorgucat, policia ka zbuluar 15 kg kanabis.
Mësohet se makina drejtohej nga një 34-vjeçar nga Gjirokastra, i cili kishte marrë drejtimin për në Greqi duke përfituar nga situata e krijuar prej prezencës së lartë të emigrantëve në doganën e Kakavijës.
Gjirokastriti, identiteti i të cilit nuk bëhet i ditur është arrestuar nga policia pas kontrollit të mjetit dhe sekuestrimit të lëndës narkotike.
