Protestat në Bullgari, Kryeministri Borisov premton dorëheqjen

Kryeministri i Bullgarisë, Boyko Borisov bëri thirrje për një rishikim të Kushtetutës, në përpjekje qe tu jepet fund protestave anti-qeveritare në vend.

Gjithashtu, Borisov premtoi dorëheqjen nëse ligjvënësit bullgarë miratojne thirrjen për zgjedhjen e një asambleje kombëtare të madhe që do të ketë për detyrë votimin e një kushtetute të re, që do të përmirësojë punen dhe rezultatet e gjyqësorit.

“Në momentin që Parlamenti vendos të mbajë zgjedhje për Asamblenë e Madhe Kombëtare, sipas nenit 160 të Kushtetutës, të njëjtën ditë unë do të dorëhiqem si kryeministër. Asambleja e Madhe Kombëtare është një shans unik jo vetëm për të rigjallëruar demokracinë, por edhe për të rritur në maksimum përfaqësimin politik”, tha Boyko Borissov, kryeministri i Bullgarisë:

LEXO EDHE  Azerbajxhani dhe Armenia vazhdojnë luftimet, bota apelon për armëpushim

Në një fjalim më vete, presidenti bullgari Rumen Radev, një zë kritik i Borissov, hodhi poshtë propozimin. Ai tha se një debat mbi kushtetutën dhe të ardhmen e vendit është i mundur vetëm pas dorëheqjes së tij dhe mbajtjes së zgjedhje të lira.

Disa mijëra bullgarë kanë protestuar në qendër të Sofies që prej fillimit të korrikut për të kërkuar dorëheqjen e Borissov dhe kryeprokurorit Ivan Geshev. Qindra prej tyre kanë ngritur tenda në tre kryqëzimet më madhore të kryeqytetit.