Humbja turpëruese e Barcelonës ndaj Bayern Munich pritet të sjellë ndryshime rrënjësore në klubin spanjoll. Për këtë ka folur edhe presidenti Bartromeu i cili ka premtuar se do të veprojë së shpejti.
Ndërkohë pas ndeshjes së mbrëmjes së djeshme ka folur edhe mbrojtësi Gerrard Pique. Spanjolli deklaroi se gjendja e klubit është e pashpresë dhe sipas tij kjo gjë po ndodh tashmë prej disa vitesh.
Pique ka inkurajuar ndryshime në klub dhe nëse do të ishte e nevojshme do të ishte ai I pari që do të largohej nga Barcelona.
“Të gjithë duhet të reflektojmë, klubi ka nevojë për ndryshime dhe nuk po flas për trajnerin apo lojtarët, nuk dua të vë gishtin te asnjë. Mendoj se ndryshimi duhet të ndodhë në të gjithë nivelet e strukturave të klubit sepse asgjë nuk po funksionon.
Nëse për të ndryshuar situatën nevojitet “gjak” i ri unë jam I pari që ofrohem për tu larguar. Kemi prekur fundin”.
