Kryeinspektori i Përgjithshëm, Shkëlqim Hajdari, ka reaguar ndaj situatës së krijuar në Kakavijë, ku mijëra qytetarë prej 72 orësh janë në pritje të kalimit në Greqi.
Hajdari shkruan në rrjetet sociale se kjo që bën Greqia në Kakavijë dhe Kapshticë me qytetarët shqiptarë, nuk është sjellje korrekte, miqësore, njerëzore.
“Nuk ka lidhje fare me Covid-19, ky është sebeb. Në të tilla raste, aplikimi i reciprocitetit dhe reagimet e forta politike e diplomatike janë të domosdoshme. Kjo nuk duhet të ndodhë në 2020….!”, shkruan Hajdari.
Qëndrimi i zyrtarit të Qeverisë Rama është krejt ndryshe nga ai i shfaqur deri më tani nga zyrtarët. Kryeministri Edi Rama në reagimin e tij tha se qëndrimi i palës greke nuk është diskriminues ndaj shqiptarëve, duke sjellë si shembull atë që ka ndodhur edhe në vende të tjera, ku si pasojë e Covid-19, janë ashpërsuar masat dhe kontrollet.
Në fakt reagimi i Hajdarit është bërë përpara se Edi Rama të japë qëndrimin e tij në rrjetet sociale dhe nuk dihet nëse zyrtari i qeverisë vijon t’i qëndrojë të njëjtës ide.
DENONCO