Policia ka reaguar lidhur me ngjarjen në orët e mbrëmjes në Vlorë, ku u raportuan të shtëna me armë zjarri.
Sipas bluve të qytetit bregdetar, në lagjen “28 Nëntori”, pranë një shkolle, si pasojë e një konflikti të çastit, një 29-vjeçar është plagosur me sende të forta nga një person.
I lënduari është i riu Almar Xhaferllari i cili ndodhet në Spitalin e Vlorës, pa rrezik për jetën.
Personi tashmë i identifikuar nga ana e policisë pas konfliktit është larguar dhe dyshohet se ka qëlluar një herë me pistoletë në ajër.
Po punohet për kapjen e autorit dhe zbardhjen e shkaqeve të konfliktit.
