Dy vëllezër shqiptarë u arrestuan nga policia italiane, pasi dyshohet se ishin shpërndarës të lëndëve narkotike.
Njëri prej të arrestuarve, 26 vjeç, u gjurmua nga policia pasi kishte sinjalizime që me motorin tip skuter shpërndante kokainë, hashash dhe marjuanë. Ai banonte në Viserba, figuronte i papunë, por bënte një jetë luksi.
Hetimet pasuese bënë të mundur identifikimin e dy garazheve, një me qira në Riccione dhe një tjetër në Viserba, që ishin marrë nga 26-vjeçari. Në garazhet policia gjeti dhe sekuestroi 1 kilogram e 300 gram hashash, i ndarë në pako, mjete paketimi dhe material peshimi (hapëse, shufra, gërshërë), disa telefona celularë, një makinë vakum, si dhe shumë çanta me gjurmët e kokainës dhe marihuanës.
Së bashku me vëllain e tij, ata përdornin garazhet, si një depo për drogën, por edhe si një punishte për paketimin e saj.
