Zbardhen mesazhet shantazhuese dhe fyese të Veliajt ndaj gazetares/ “Ke marrë një idiote”

Zbardhen mesazhet shantazhuese dhe fyese të Kryebashkiakut Erjon Veliaj ndaj gazetares Beti Njuma. Ndryshe nga çfarë publiku mund të njohë Veliajn, kur shfaqet i qeshur, i përkushtuar apo si njeriu i punës socialiste, mesazhet e mëposhtme tregojnë fytyrën tjetër, atë të një paedukati, që shantazhon dhe fyen, madje edhe gazetare.

Gjatë shkëmbimit të mesazheve, Veliaj e quan gazetaren Njuma “idiote”, ndërsa thotë “as dua tja shoh më sytë”. Problemi që ka Veliaj është që media ku punon Njuma, Oranews, sipas tij kritikonte punën e Bashkisë, dhe kjo sipas tij ishte presion.

I gjithë presioni i Veliajt ushtrohej në kohën kur zhvillohej debati mbi Teatrin Kombëtar, që Lali Eri e shembi natën e 17 majit, i mbështetur edhe nga policët e Sandër Lleshajt, përfshi këtu edhe forcat RENEA.

LEXO EDHE  Ndryshimet Kushtetuese/ Balla ndihet keq nga deklaratat e presidentit: Sjellje harbute. Gjekmarkaj: Keni bërë grusht shteti

Mesazhet përveç se tregojnë anën tjetër të Veliajt, ndoshta fytyrën e vërtetë të tij, zbardhin një skandal, atë se si një zyrtar, që paguhet nga taksat e shqiptarëve, ka guximin që të ndërhyjë me një fjalor fyes dhe denigrues në një redaksi lajmesh.

Lidhur me mesazhet ka reaguar gazetari Bledian Koka, i cili i konsideron mesazhet prova të pakundërshtueshme dhe kërcënime të vazhdueshme të Erion Veliajt.

“Në një vend normal këto prova do ta dërgonin sonte në polici Erion Veliajn dhe SPAK-u duhet të ndermerte sot, jo nesër, sot procedim penal ndaj Kryebashkiakut të Tiranës për shpërdorim detyre dhe shantazh…”, shkruan Koka, duke publikuar edhe disa nga mesazhet.