Mbrëmjen e sotme ora 21:00, luhet supersfida Barcelona-Bayern Munich e vlefshme për fazën çerekfinale të Ligës së Kampioneve.
Një finale e parakohshme ku në fushën e lojës do të zbresin yjet më të mëdhenj të futbollit botëror, me në krye Leo Messi dhe Robert Lewandowski.
Për sa i përket mungesave, për Barcelonën do të mungojë Samuel Umtiti i cili është duke u rikuperuar nga një dëmtim në gju. Nga ana tjetër për bavarezët nuk do të jetë i gatshëm vetëm mbrojtësi Benjamin Pavard.
Duke parë paraqitjet e skuadrave pas rifillimit të sezonit, Bayern Munich vjen në këtë ndeshje si favorite ndaj katalanasve, të cilët kanë shfaqur dobësi gjatë gjithë sezonit, si në fushën e lojës ashtu edhe në aspektin drejtues të klubit.
Kompanitë e basteve favorizojnë pikërisht skuadrën gjermane me koefiçentin 1.90 për triumfin, ndërkohë që fitorja e skuadrës së drejtuar nga Setien kuotohet me koefiçentin 3.50.
