Rëndohet bilanci, 6 pacientë humbin jetën 24 orët e fundit

Në 24 orët e fundit kanë humbur jetën 6 pacientë, duke e çuar në 219 numrin total të viktimave të shkaktuara nga Covid-19 në Shqipëri, që prej shfaqjes së pandemisë.

Sipas raportimit zyrtar nga Ministria e Shëndetësisë, pacientët që kanë humbur jetën një 62 vjeçar nga Tepelena, një 63 vjeçar nga Lezha, një 70 vjeçar nga Mati dhe 3 qytetarë nga Tirana; një 73 vjeçare, një 81 vjeçar dhe një 82 vjeçar.

Sipas Ministrisë së Shëndetësisë, aktualisht në spitalin Infektiv dhe “Shefqet Ndroqi” po trajtohen 115 pacientë të konfirmuar pozitivë, 16 pacientë janë në terapi intensive, 5 prej të cilëve të intubuar.

LEXO EDHE  Hapja e listave, Hajdari del me një propozim të ri: Të martën të punojmë non stop për dokumentin final

Gjatë 24 orëve të fundit ministria njoftoi se janë shëruar 79 qytetarë, duke e çuar numrin e të shëruarve në 3695, që nga fillimi i epidemisë.

Ministria njoftoi se në dy spitalet Covid po vijojnë të trajtohen edhe 14 pacientë të cilët kanë qenë pozitivë me Covid19 dhe aktualisht janë negativizuar, megjithatë vijojnë të marrin trajtim spitalor për pasojat e sëmundjes.

Ndërsa vazhdojnë të trajtohen sipas protokolleve përkatëse edhe pacientë të dyshuar të prekur nga virusi i rrezikshëm.