Partizani humb një tjetër titullarë të rëndësishëm. Braziliani William Cordeiro njofton se nuk do të jetë pjesë e të kuqve në vazhdim, ndërkohë që ka vetëm falënderime për atë që ka kaluar me “demat”.
“Mirënjohje të përjetshme për këtë etapë të rëndësishme të jetës sime. Shumë faleminderit Partizani për besimin, tifozët për mbështetjen e tyre dhe futbollistët për miqësinë e tyre. Nuk do ta harroj kurrë gjithçka që kam përjetuar në këtë klub të shkëlqyeshëm”, shkruan Cordeiro në Instagram.
Anësori la vjet Kukësin dhe firmosi për një vit te Partizani, por në kontratë ka pasur edhe një klauzolë për rinovimin e saj edhe për një vit tjetër. Në kampin e kuq shprehen se kontrata është zgjatur dhe mbetet të shihet nëse do të ketë ndonjë reagim në lidhje me këtë lëvizje të Cordeiro.
DENONCO