Memet më pikante/ Veliaj njoftoi se u shërua nga Covid-19, në rrjet plas gallata

Kryebashkiaku i Tiranës, Erion Veliaj, njoftoi se ishte shëruar nga koronavirusi. Përmes rrjeteve sociale ai falennderonte stafin e ISHP dhe disa mjekë që ishin kujdesur për të. Nuk dihet nëse i njëjti kujdes tregohet edhe për pacientët e tjerë që kurohen në banesa, apo për ata mjafton vetëm mjeku i familjes.

Gjithsesi në rrjetet sociale kanë shpërthyer memet pasi nga fotot Veliaj dukej shumë i nxirë, sikur kishte qëndruar shumë jashtë në diell dhe jo në izolim.

Madje disa e krahasuan me mjekët kinezë që ndërruan ngjyrën e lëkurës kur u prekën nga Covid-19.

“Nëse një ditë do dalë vaksina, dhe do të ketë një garë mes kombeve, unë besoj se një lider si Edi Rama do të ketë mundësi ta sjellë shumë më shpejt vaksinën në Shqipëri, sesa dikush tjetër që njeriun më të famshëm dhe më të fortë që njeh është kunati i vet”, tha Veliaj në një reagim të tij, duke shtuar dozat e servilizmit ndaj Kryeministrit Edi Rama.

LEXO EDHE  I penduari i drejtësisë ‘zbardh’ vrasjet në Elbasan/ Kush u pagua për krimet

Ndoshta Veliaj ende se ka marrë vesh, që Rama ka më shumë se dy muaj që nuk e përmend më çështjen e Covid-19.