Një mësues nga Mirdita, i infektuar me COVID-19, ka ndërruar jetë.
Ai ishte prekur nga koronavirusi dhe prej disa ditësh ishte i shtruar në spitalin Infektiv në Tiranë, ndërsa së fundmi gjendja e tij është përkeqësuar dhe ka humbur jetën.
Në bilancin e fundit, Ministria e Shëndetësisë raportoi 3 humbje jete dhe 141 raste të reja, duke e çuar në total në 6817 numrin e të infektuarve që nga nisja e pandemisë.
Nga këta, 208 persona kanë ndërruar jetë.
Numri i rasteve aktive me koronavirus në vendin tonë ka arritur në 3057.
