Shullazi në 41-BIS, avokati Meçi letër Metës, Ramës e Ruçit: Po bëhet padrejtësi

Avokati i Emiliano Shullazit, Vladimir Meçi i është drejtuar me një letër kryeministrit Edi Rama dhe kryetarit të Kuvendit Gramoz Ruçi dhe Presidentit Ilir Meta, lidhur me izolimin e tij.

Ai ka theksuar se ndaj tij është vepruar me padrejtësi.

Meçi shprehet se Shullazi mbahet padrejtësisht i izoluar dhe duhet të rishikohet ligji që aplikohet. “Padrejtësia u bë shumë e madhe, i kam dërguar letër Metës, Ruçit dhe Ramës”, shprehet ai.

Shullazi është një nga të burgosurit që i është nënshtruar izolimit 41bis.

LEXO EDHE  Arrestimi i Lajden Kadillit, Policia: U kap pas 10 minutash ndjekje, ishte i armatosur

Izolimi në një regjim të posaçëm parashikon kufizime të të drejtave me qëllim parandalimin e kontakteve që ata kanë me organizatën kriminale ku bëjnë pjesë apo me organizata të tjera aleate; konfliktet e mundshme me elementë të organizatave kundërshtare; si dhe ndërveprimin me të burgosurit apo të paraburgosurit e tjerë që i përkasin të njëjtës organizatë ose të organizatave të tjera me të cilat ata bashkëpunojnë.