Atalanta-PSG/ Media italiane vlerësime pozitive për paraqitjen e Berat Gjimshitit

-Mbrojtësi shqiptar Berat Gjimshiti, ka zhvilluar një paraqitje mjaft të mirë mbrëmjen e kaluar përballë kampionëve francezë të pSG.

Mbrojtësi i ekipit italian të Atalantës ka qenë një ndër më pozitivët për ekpin e tij, duke u vlerësuar me notën 6.5

Atalanta luante për herë të parë një çerekfinale të Champions League, por u mposht nga pSG vetëm në minutat e fundit, duke treguar një provë force mjaft të madhe.

Gjimshiti ashtu si pjesa tjetër e Atalanta, përjetoi një histori të pabesueshme në Champions League. Në sezonin e parë në këtë turne të magjishëm, Gjimshiti ishte një nga protagonistët absolut të ekipit bergamask.

Mbrojtësi kuqezi nuk stonoi as përballë gjigantëve francez, zhvilloi një ndeshje shumë të mirë, për aq kohë sa ishte në fushë. Flirtoi dy momente edhe me golin, një rrezik konstant në zonën e PSG. Në minutën e 47-të me kokë drithëroi mbrojtësit francez ndërsa në minutën e 57-të kishte një mundësi të pastër të dyfishonte shifrat, një rast për të vënë duart në kokë. Pavarësisht eliminimit, Gjimshiti bëhet futbollisti i parë shqiptar që arrin kaq larg në Champions League.

LEXO EDHE  “Më në fund”, titullari i Tiranës lë pas dëmtimin dhe fillon stërvitjen për takimin ndaj Young Boys

Vlerësimi i mediave italiane pas sfidës ishte gjithashtu pozitiv: “Konsumon një karton të verdhë kur Icardi e lë në vend, por nuk gabon. Për pjesën e mbetur të ndeshjes e kalon mirë, edhe pse topi i djeg në këmbë sa herë kalon gjysmëfushën. Kjo nuk është Serie A dhe duket. Në disa raste mund edhe të shënonte por i pa fat”, shkruan TuttomercatoWeb.