Ish-ministri i Drejtësisë, Ylli Manjani, përmes një postimi në rrjet thekson se liria mbetet më e rëndësishmja. Manjani shkruan se i respekton të gjithë ata që e përditshmja e errët ekonomike u del e para, por i fton të mendojnë pak, të mendojnë dhe do shohin se para se t’u ikë ekonomia, paraja, pasuria e bisnesi, pushteti u ka marrë më parë lirinë.
“Në vijim u ka hequr demokracinë, pra të drejtën për të marrë pjesë në vendimmarrje. Pastaj u ka marrë shtetin dhe ligjin, dmth garancinë e sigurinë. Në fund shfaqet në derë polici i dhunshëm, por është vonë…”, shkruan Manjani
Postimi nga Ylli Manjani
E para është liria, pa asnjë dyshim.
I respektoj të gjithë ata që e përditshmja e errët ekonomike u del e para, por i ftoj të mendojnë pak. Të mendojnë dhe do shohin se para se t’u ikë ekonomia, paraja, pasuria e bisnesi, pushteti u ka marrë më parë LIRINË.
Në vijim u ka hequr demokracinë, pra të drejtën për të marrë pjesë në vendimmarrje.
Pastaj u ka marrë shtetin dhe ligjin, dmth garancinë e sigurinë.
Në fund shfaqet në derë polici i dhunshëm, por është vonë…😔
Ekonomia e dobësuar, mirqënia e pasigurtë është pasojë e lirisë së dorëzuar, me hir apo pahir.
Prandaj e para është LIRIA. Në vijim DEMOKRACIA. Bashkë me ta është SHTETI.
Ushqim hanë edhe kafshët. Por njeriu i lirë, në hapësirë demokratike dhe i garantuar nga shteti zgjidh çdo krizë.
P.S. Kjo llogjikë nuk shtrihet mbi takëmin e disave që lirinë e shesin, demokracinë e përçmojnë dhe shtetin ja japin pushtetit me qejf të madh.
