Të arrestuarit si autorë të vrasjes së Regis Runajt, i cili u ezkekutua pranë varrezave të qytetit të Elbasanit në 29 korrik, kanë dalë para Gjykatës në Elbasan.
Gjyqtarja Pajtime Fetahu pritet të japë masën e sigurisë ndaj Eugen Halilit 23 vjeç dhe Xhuljano Hoxha 29 vjeç, ndërsa prokurori Kreshnik Ajazi ka kërkuar “arrest me burg”.
Sipas policisë, Runaj është vrarë nga dy personat me të cilët ka qenë duke konsumuar lëndë narkotike. Ata më pas kanë ecur në drejtim të varrezave ku e kanë qëlluar viktimën 27 herë me thikë duke i shkaktuar vdekjen e menjëhershme.
Sipas policisë, dy autorët janë të përfshirë edhe në vrasjen e ndodhur 10 ditë më parë ku u ekzekutua me armë zjarri Emiljano Ramazani, mik me Regis Runajn.
Ata janë zbuluar nga njollat e gjakut të gjetura në automjetin e autorëve, të cilët kanë rezultuar se i përkisnin Regis Runajt. Gjithashtu policia ka sekuestruar edhe një shumë eurosh dhe prova të tjera ligjore.
