Paloka: Pse i dogji Ballës deklarata e Bashës dhe pse i intereson lirimi i Dajtit?

Nënkryetari i Partisë Demokratike, Edi Paloka, i është drejtuar me disa pyetje Taulant Ballës ky i fundit reagoi në lidhje me postimin e kreut të PD-së, Basha, për drejtësinë e vonuar që do të vihet në vend për 4 oficerët e policisë të vrarë 11 vite më parë nga Dritan Dajti, të cilin Rilindja po kërkon ta lirojë nga burgu me çdo mekanizëm të mundshëm.

Lidhur me reagimin e Ballës, Paloka ka shtruar disa pyetje.

‘Pse i dogji Taulant Ballës reagimi i Lulzim Bashës?

Pse kërkoi Balla ta heqë vëmendjen nga politikanët qe po blejnë lirinë e Dritan Dajtit përmes gjyqtarëve dhe prokurorëve të kapur prej tyre?

Kë po mbron Taulant Balla dhe pse i intereson kaq shumë lirimi i Dritan Dajtit?

LEXO EDHE  Pas Borchardt, ja kush është kreu i ri i Prezencës së OSBE-së në Shqipëri

Çfarë di ai për komunikimet e shefit të tij me Dritan Dajtin në burg?

A ka lidhje me tenderat që Dritan Dajti po fiton nga burgu?

Sa për të tjerat, 7 vite në pushtet kanë qenë të mjaftueshëm për të zbardhur gjithçka lidhet me këtë ngjarje, pas të cilave Taulant Balla kërkon të fshehë krimin e lirimit të Dritan Dajtit dhe rivrasjen për së dyti të 4 oficerëve të policisë.

Ndarja e politikës nga krimi, duke nisur me Taulant Ballën dhe goditja pa mëshirë e krimit të organizuar është detyrimi ynë më i madh. Drejtësia do të bëhet!’