Khloe Kardashian mori së fundmi vendimin e vështirë për t’u rikthyer me babain e vajzës së saj 1 vit e gjysëm pas skandalit të tradhtisë me shoqen e Kylies.
Burime për revisten People kanë konfirmuar rikthimin e tyre. Sipas këtyre burimeve, Tristan dhe Khloe janë rikthyer së bashku që nga qershori.
“Ajo pëlqen ta ketë pranë. Ai ka marrëdhënie shumë të mira me True-n dhe është treguar shumë i mirë edhe me Khloe-n. Ata kanë kaluar shumë kohë së bashku dhe Khloe është tepër e lumtur”, -thanë burimet pranë tyre.
Burimet shtuan gjithashtu se ata “po jetojnë në një lloj flluske dhe Khloe po e shijon”. Gjatë gjithë kohës që Khloe dhe Tristan u ndanë, ata vazhdonin të ruanin marrëdhënie të mira. Ajo e ftonte basketbollistin në festa familjare dhe madje u karantinuan së bashku gjatë pandemisë.