Kujdes me kollën! Futbollistët do ndëshkohen me karton të kuq

Koronavirusi ka ndikuar në të gjitha sferat e shoqërisë tonë. Shtetet tashmë kanë filluar të përshtaten me stilin e ri të jetesës duke hartuar masa dhe protokolle të ndryshme për të siguruar shëndetin.

E njëjta ndodh edhe me futbollin, ku federatat e shteteve të ndryshme kanë hartuar protokollet e tyre që duhet të ndiqen në fushë.

Por Shoqata Ndërkombëtare e Futbollit ka ardhur me një vendim të ri, sipas të cilit, lojtarët që kolliten qëllimisht përpara kundërshtarit apo zyrtarit të ndeshjes do të ndëshkohen menjëherë me karton të kuq.

Ky vendim do të hyjë në fuqi në të gjitha nivelet e futbollit dhe do provohet në ndeshjen mes Liverpool dhe Arsenal e vlefshme për kupën FA Community Shield më 29 gusht.

LEXO EDHE  Juventus arrin akordin për Chiesën, shitjet mbajnë peng zyrtarizimin

Në dokumentin e publikuar nga Shoqata Ndërkombëtare e Futbollit thuhet se nëse gjyqtari i ndeshjes konstaton se një futbollist kollitet qëllimisht përpara një lojtari tjetër, ai duhet ta ndëshkojë menjëherë me karton të kuq.

Por gjykimi është në dorën e arbitrit, dhe nëse ai mendon se kollitja nuk ishte e qëllimshme, mund të akordojë një karton të verdhë ose vetëm ta këshillojë lojtarin.