Zyrtare/ Kallaku largohet nga Teuta, mesfushori transferohet në Kroaci

Largimi i Sherif Kallakut nga skuadra e Teutës u përfol disa ditë më parë por tashmë gjithçka është bërë zyrtare.

Kallaku do të transferohet në Kroaci te Lokomotiva e Zagrebit. Lajmi është bërë me dije nga klubi i Teutës që përmes një njoftimi në kanalin zyrtar tregon se talenti i mesfushës ka nënshkruar një kontratë 4 vjeçare me klubin kroat.

Njoftimi i KF Teutës:

“KF Teuta njofton sot arritjen e marrëveshjes të transferimit të Sherif Kallaku në ekipin e Lokomotiva Zagreb në Koraci. Sherif Kallaku pritet ti bashkohet ekipit të Lokomtivës ditën e premte. Fantazisti i Teutës, pasi të kryejë vizitat mjekësore do të bashkohet me klubin e Lokomotiva Zagreb ,me të cilin ka nënshkruar nje kontrate 4 vjeçare. 22 vjeçari i cili u shpall fitues i kupës i Shqipërisë me Teutën, Kallaku i thotë lamtumirë Teuta për të vijuar tashmë aventurën e tij të re në Koraci. Pas 2 vitesh me blutë,skuadër me të cilën dhuroj performanca shumë pozitive, duke qenë njëkohësisht edhe pjesë e ekipit tonë përfaqësues, Kallaku tashmë do të provoj edhe eksperiencën e tij të parë jashtë vendit në radhët e Lokomotiva Zagreb. FALEMINDERIT SHERIF KALLAKU!”

Këtë sezon, Kallaku, u aktivizua në 29 ndeshje me Teutën ku arriti të realizonte plot 14 gola.

LEXO EDHE  Carabao Cup/ Havertz bën tripletë në kualifikimin e Chelsea, Arsenali eliminon Leicester