Pas vështirësive të shfaqura gjatë këtij sezoni duket se gjërat po marrin drejtimin e duhur për klubin e Vllaznisë.
Alban Xhaferi është donatori i ri i klubit verior, teksa postin e drejtorit sportiv do e mbajë Matko Djarmati, një emër që ka luajtur në Superiore dhe e njeh mirë futbollin shqiptar.
Kroati, i cili i ka kaluar ditët e fundit me ekipin shkodran, do e nisë punën nga pankina dhe Vllaznia do të ketë një trajner gjerman. Ai është Thomas Brdaric, 45-vjeçari i cili ka provuar të luajë si sulmues në Bundesligë me skuadrat e Bayer Leverkusen, Stuttgart dhe Wolfsburg.
Brdaric ka nisur punën si trajner prej vitit 2009. Ai ka provuar disa aventura në futbollin gjerman, teksa ka drejtuar edhe Shkëndijën e Tetovës gjatë periudhës janar-maj të vitit 2017. Kroatin e presin në Shkodër, aty ku do të zbarkojë të enjten ose të premten.
