VIDEO+FOTO/ Mbi 100 viktima dhe 4 mijë të plagosur. 2700 ton lëndë plasëse që rrafshuan Bejrutin

Bejruti u trondit mbrëmjen e së martës, nga një prej shpërthimeve më të fuqishme në Botë, ndërsa të paktën 100 persona kanë humbur jetën dhe mijëra të tjerë janë plagosur.

Daily Mail, referuar Ministrisë së Shëndetësisë në Bejrut, ka njoftuar se më shumë 4.000 persona janë plagosur si pasojë e shpërthimit në portin industrial të qytetit.

Dëshmitarët okularë kanë treguar për përvojën e tyre nga ky shpërthim i fuqishëm që është dëgjuar madje 125 milje larg – në Greqi, shpërthim ky që ngjante me një sulm “me bombë bërthamore”.

Për shkak të zjarrit të madh ekipet e shumta të zjarrfikësve dolën në terren, duke tentuar ta lokalizojnë zjarrin që kishte përfshirë shumë ndërtesa e shtëpi.

Ministri i Brendshëm pranoi se lendet plasëse që ishin mbajtur në depo që nga viti 2004 mund të jenë shkak i shpërthimit.

Mediat lokale raportojnë se 2.700 tonelata lendë kimike kanë shpërthyer. Kryeministri libanez Hassan Diab është zotuar se personat përgjegjës për këtë katastrofë do ta paguajnë çmimin e merituar duke e shpallur të mërkurën ditë zie.

LEXO EDHE  Dalin fotot e “nëntënjakëve” që habitën botën 5 muaj më parë. Gëzojnë shëndet të plotë

Izraeli ka mohuar akuzat se është shkaktar i incidentit, madje i është bashkuar vendeve si Britania e Madhe, Franca, SHBA-të duke i ofruar ndihmë Libanit në kohën kur vendi po përballet me krizën më të madhe ekonomike dhe financiare, raporton abcnews.al

Zyra e Punëve të Jashtme e Britanisë së Madhe, ka bërë të ditur se punonjësit e ambasadës së tyre në Liban nuk kanë pësuar ndonjë lëndim nga ky shpërthim. Disa milje larg, ballkonet e ndërtesave janë shembur nga shpërthimi i fuqishëm, duke bërë që edhe xhamat të thyhen dhe të mbulojnë rrugët e qytetit. Aeroporti kryesor i Bejrutit që është gjashtë milje larg portit detar është dëmtuar nga shpërthimi.

Guvernatori i portit u ka thënë gazetarëve se nuk i di shkaqet e shpërthimit dhe se nuk ka parë dëme të tilla më parë në jetën e tij, duke i krahasuar këto skena me ato të Hiroshima dhe Nagasakit, ku këto qytete japoneze u sulmuan me bomba bërthamore gjatë Luftës së Dytë Botërore.