Statistika e çuditshme, asnjë italian nuk ka shënuar gol këtë sezon për Atalantën

Atalanta mbylli një sezon tepër të suksesshëm në Serinë A teksa mundën të siguronin një vend  për në Ligën e Kampioneve teksa u rendit e treta.

Klubi bergamask gjatë këtij sezoni konfirmua edhe si një “makineri golash”, me plot 98 të tillë të shënuar në 38 javë kampionat, ndërsa kompania e statistikave sportive OPTA ka evidentuar një fakt mjaft interesant.

Kështu të gjithë golat e shënuar nga skuadra e drejtuar prej Gian Piero Gasperinit, mbajnë autorësinë e futbollistëve të huaj, ndërsa asnjë italian nuk ka arritur të dërgojë sferën në rrjetë.

LEXO EDHE  Sonte luhet Superkupa e Evropës, Sevilla sfidon Bayernin e frikshëm!

Në fakt ka ndikuar jo pak edhe fakti që pjesa dërrmuese e skuadrës së Atalantës janë futbollistë të huaj, ndërsa italianë janë 3 portierët, Mattia Caldara dhe dy të rinjtë Bellanova dhe Piccoli, përkatësisht mbrojtës dhe sulmues.